خالد بارہ بنکوی

یوم پیدائش 10 دسمبر 1970

نظر بے باک ہے سارے بدن پر دست کاری ہے 

یہی معیار ہے تیرا کہ یہ غفلت شعاری ہے

تری تصویر شاید اس لئے کچھ اور پیاری ہے 

یہ میری کیمرہ تمثال آنکھوں نے اتاری ہے 

وہ اب بھی ہے جو ہم میں فاصلہ تھا ایک کروٹ کا

ہم اپنے ضبط سے ہارے وہ اپنی ضد سے ہاری ہے 

میں شیشہ ہوں یہ شیشہ گر مرے ٹکڑوں سے پلتے ہیں

مری عادت نہیں ہے ٹوٹ جانا ذمے داری ہے 

اسے پانا نہیں اسکی بھلائی چاہتے ہیں ہم 

کوئی سمجھے محبت ہم نے ہاری ہے تو ہاری 

سمندر دھوپ صحرا اور تم سب ایک جیسے ہو

کسی سے کوئی ہمدردی نہ کوئی غمگساری ہے 

خالد بارہ بنکوی