حشمت علی حشمت

 یوم پیدائش 12 مارچ 1966

ظلمتوں سے نہیں انوار بدلنے والے 

خود ہی ہو جائیں گے بیزار بدلنے والے 

خاتمہ اب تو کہانی میں ولن کا طے ہے 

چھپ نہیں پائیں گے کردار بدلنے والے 

شاید اس بار قبیلے میں سکوں لوٹ آئے 

خیمہ زن ہو گئے سردار بدلنے والے 

قدر و قیمت وہ ہماری نہ بدل پائیں گے

ہم تو ہیں مالک و مختار بدلنے والے

آزمائش سے نہیں ڈرتے صداقت کے مرید 

اور ہی ہوں گے سرِ دار بدلنے والے 

ہم مہاجر نہیں، ہجرت نہیں ہوگی ہم سے

ناتواں ہوتے ہیں گھر بار بدلنے والے 

ہم کو نا اہل سمجھنے کی نہ کر نادانی

ہم ہی حشمت تو ہیں سرکار بدلنے والے

 حشمت علی حشمت