آصف صمیمؔ

یوم پیدائش 01 جون 1990

ہے آمدِ بدرالدّجیٰ ہے روشنی ہی روشنی

اہلاً و سہلا ً مرحبا ہے روشنی ہی روشنی

 

ہے آمدِ خیرالبشر روشن ہے ہر مومن کا گھر

پر نُور ہیں ارض وسما ہے روشنی ہی روشنی

اک سلسلہ تھا ظلمتوں کا چار سو پھیلا ہوا

ابھرا ہے اب شمس الضّحیٰ ہےروشنی ہی روشنی

جس دن حلیمہ سعدیہ لے آئی گھر سرکار کو

رنگیں ہے اُس گھر کی فضا ہے روشنی ہی روشنی

ہے جشنِ میلادِ نبیﷺ میں نےسجائیں محفلیں

آراستہ ہے گھر مرا ہے روشنی ہی روشنی

لکھتا ہوں جب مدحِ نبیﷺ کھلتے ہیں اسرارِ قلم

نعتِ حبیبِ کبریا ہے روشنی ہی روشنی

لکھ کر یہ نعت آصفؔ ہوا تجھ پرکرم سرکار کا

ہر لفظ ہے روشن دیا ہے روشنی ہی روشنی

آصف صمیمؔ