Urdu Deccan

Wednesday, April 5, 2023

ابھشیک کمار امبر

یوم پیدائش 07 جنوری 2000

راہ بھٹکا ہوا انسان نظر آتا ہے 
تیری آنکھوں میں تو طوفان نظر آتا ہے 

پاس سے دیکھو تو معلوم پڑے گا تم کو 
کام بس دور سے آسان نظر آتا ہے 

اس کو معلوم نہیں اپنے وطن کی سرحد 
یہ پرندہ ابھی نادان نظر آتا ہے 
 
آئی جس روز سے بیٹی پہ جوانی اس کی 
باپ ہر وقت پریشان نظر آتا ہے 

جب سے تم چھوڑ گئے مجھ کو اکیلا امبر
شہر سارا مجھے ویران نظر آتا ہے 

ابھشیک کمار امبر


 

No comments:

Post a Comment

محمد دین تاثر

 یوم پیدائش 28 فروری 1902 غیر کے خط میں مجھے ان کے پیام آتے ہیں کوئی مانے کہ نہ مانے مرے نام آتے ہیں عافیت کوش مسافر جنھیں منزل سمجھیں عشق...