یوم پیدائش 14 فروری 1946
دنیا میں کتنے رنگ نظر آئیں گے نئے
ہوں دید کے عمل میں اگر زاویے نئے
چہرہ بھی آنسوؤں سے تر و تازہ ہو گیا
بارش کے بعد سبزہ و گل بھی ہوئے نئے
بدلی ہے یہ زمیں کہ مری آنکھ وہ نہیں
بیگانہ شہر و دشت ہیں اور راستے نئے
اس کو بدل گیا نشۂ خود سپردگی
مانوس خال و خد مجھے یکسر لگے نئے
سب سے جدا ہیں گر مرے نو زائیدہ خیال
جس نے دیئے خیال وہ الفاظ دے نئے
حسن اکبر کمال
No comments:
Post a Comment