یوم پیدائش 18 فروری 1960
نعت
وہ اک بشر جو زمانے میں سب سے بہتر تھا
سراپا نور تھا انسانیت کا رہبر تھا
صفت بیان کروں کیا میں اُسکی لفظوں میں
سمجھ لو کوزہ میں سمٹا ہوا سمندر تھا
بشر کی بند بصیرت کو اُسنے کھول دیا
تو کُفر خود ہی فنا ہو گیا جو اندر تھا
گذاری عمر شہنشاہِ دو جہاں نے یوں
نہ تخت تھا نہ کوئی تاج تھا نہ بستر تھا
کوئی مثال نہیں جسکے وصف کی حشمت
وہ شخص رحمتِ عالم کا ایک پیکر تھا
صلی اللہ علیہ وسلم
حشمت صدیق
No comments:
Post a Comment