عقیل دانش

 یوم پیدائش 15 جولائی 1940

اس مریض غم غربت کو سنبھالا دے دو

ذہن تاریک کو یادوں کا اجالا دے دو

ہم ہیں وہ لوگ کہ بے قوم وطن کہلائے

ہم کو جینے کے لئے کوئی حوالہ دے دو

میں بھی سچ کہتا ہوں اس جرم میں دنیا والو

میرے ہاتھوں میں بھی اک زہر کا پیالہ دے دو

اب بھی کچھ لوگ محبت پہ یقیں رکھتے ہیں

ہو جو ممکن تو انہیں دیس نکالا دے دو

وہ نرالے ہیں کرو ذکر تم ان کا دانشؔ

اپنی غزلوں کو بھی انداز نرالا دے دو

عقیل دانش