راجیش ریڈی

 یوم پیدائش 22جولائی 1952

کچھ دن سے یہ جو رہتے ہو خود میں ہی میاں گم

بتلاؤ تو کر آئے ہو اپنے کو کہاں گم 

ساحل پہ بناتے رہے ہم روز گھر وندے

روز آکے انہیں کرتی رہی موجِ رواں گم

اب کیا کہیں کیا حال کِیا ایک جھلک نے

ہم جی بھی لئے، ہو بھی گئی جسم سے جاں گم

ان شوخ نگاہوں میں تھا جادو ہی کچھ ایسا

دو آنکھوں میں اپنے تو ہوئے دونوں جہاں گم

کس کام کا، گردن پہ جو ہو کر بھی نہ ہو سر

 کس کام کی، جو ہو کے بھی منھ میں ہو زباں گم

یہ زندگی حیرت بھرے صحرا کا سفر ہے

ظاہر ہیں جہاں آبلے ,قدموں کےنشاں گم

راجیش ریڈی