حجاب عباسی

 یوم پیدائش 14 سپتمبر 1957 

دعا ہی وجہ کرامات تھوڑی ہوتی ہے

غضب کی دھوپ میں برسات تھوڑی ہوتی ہے

رہ وفا کی روایت ہے سر جھکا رکھنا

بساط عشق پہ یہ مات تھوڑی ہوتی ہے

جو اپنا نام صف معتبر میں لکھتے ہیں

خود ان سے اپنی ملاقات تھوڑی ہوتی ہے

بہت سے راز دلوں کے دلوں میں رہتے ہیں

اسے بتانے کی ہر بات تھوڑی ہوتی ہے

دل و نظر میں جو بس جائے دل ربا ٹھہرے

کہ دل ربائی کوئی ذات تھوڑی ہوتی ہے

حجابؔ اہل جنوں میں شمار ہونے کی

اساس عزت سادات تھوڑی ہوتی ہے

حجاب عباسی