یوم پیدائش 19 نومبر
یہ کون رو رہا تھا تھوڑی سی دیر پہلے
ماتَم سا ہو رہا تھا تھوڑی سی دیر پہلے
تُجھ کو بَتانا ہو گا وہ کون تھا تُو جِس کے
سَپنوں میں کھو رہا تھا تھوڑی سی دیر پہلے
محبوب سے مخاطِب ہو کر مَیں داغ دِل کے
اَشکوں سے دھو رہا تھا تھوڑی سی دیر پہلے
پُھولوں پہ سونے والا جانے وہ آج کیسے
کانٹوں پہ سو رہا تھا تھوڑی سی دیر پہلے
روتے ہوئے میں تابِشؔ پڑھ کر تُمہارے خط کا
کاغذ بھِگو رہا تھا تھوڑی سی دیر پہلے
خان اَمیر تابِش نیازی
No comments:
Post a Comment