یوم پیدائش 07 جنوری
استقامت کا یہ صلہ دے دے
جانے والے کوئی دعا دے دے
پھر دکھا راستہ یقیں کا مجھے
اور نیا ایک واہمہ دے دے
خود سے ملنا ضروری ہو گیا ہے
مجھ کو تھوڑا سا راستہ دے دے
غم زدہ کر کہ راحتوں سے ملا
کیفیت کی بس انتہا دے دے
دلربائی نہیں اگر ممکن
خواب تو کوٸی دلربا دے دے
جس کے دھاگے الجھ گئے مجھ سے
سوچ کا دوسرا سرا دے دے
وقت سے عنبرین کیا مانگیں
اور اٹھا کر نجانے کیا دے دے
عنبرین خان
No comments:
Post a Comment