سراج زیبائی

 یوم پیدائش 15 فروری 1955

ملک میں سکھ ہیں ،ہندو ،  مسلمان ہیں

سچ یہی ہے کہ ہم پہلے انسان ہیں

ہم بھگت سنگھ ، گاندھی کی پہچان ہیں

میر عبدالحمید اور عثمان ہیں

دیش کو بانٹنےمیں ہیں مصروف جو

ان کا کردار کہتا ہے شیطان ہیں

ارضِ ہندوستاں تو سلامت رہے

دل کی دھڑکن ہے تو ، ہم تری جان ہیں

جسم سے روح کیسے جدا ہو بھلا

رام تو ہے اگر ، ہم بھی رحمان ہیں

اپنے اجداد نے کل بہایا تھا جو

ہم اسی خون کا آج اعلان ہیں

ہم کو ہلچل سمجھنا ہے مشکل بہت

سخت کتنےہیں ہم کتنےآسان ہیں

عبدالرحیم ہلچل