یوم پیدائش 05 فروری 1958
اپنا وعدہ وفا نہیں کرتے
کام یہ رہنما نہیں کرتے
چاہتے ہیں بھلائی لوگ اپنی
دوسروں کا بھلا نہیں کرتے
جھوٹ ان کو ذلیل کرتا ہے
سچ کا جو سامنا نہیں کرتے
غم کا اظہار ہر کسی سے ہم
راہ میں برملا نہیں کرتے
صرف اللہ سے جو ڈرتے ہیں
وہ کسی سے ڈرا نہیں کرتے
راہ منزل سے جو نہیں واقف
ہم اسے رہنما نہیں کرتے
اپنی اولاد کے لئے مشتاق
باپ ماں کب دعا نہیں کرتے
مشتاق در بھنگوی
No comments:
Post a Comment