نیاز بدایونی

 یوم وفات 28 فروری 2008

وہ جو اک خنجرِ قاتل میں چمک ہوتی ہے

 اصل میں خون شہیداں کی لپک ہوتی ہے

 

دل سے رخصت ہواجب درد تو اندازہ ہوا

بعض اوقات سکوں میں بھی کسک ہوتی ہے

اب کوئی ناقدِ غم ہے نہ کوٹی محرمِ شب

دل کے داغوں میں مگر اب بھی چمک ہوتی ہے

کاغذی پھولوں سے گلشن کو سجانے والو

پھول کا جوہرِ ذاتی تو مہک ہوتی ہے

شاخِ گل کو ترے وعدہ سے بھلا کیا نسبت

شاخِ گل میں بھی کہاں اتنی لچک ہوتی ہے

میں ترے حسنِ تکلم کو غزل کہتا ہوں

ہر غزل میں ترے لہجہ کی کھنک ہوتی ہے

جذبہ و فکر کی بارش کے تھہرتے ہی نیاز

ذہن کے گرد خیالوں کی دھنک ہوتی ہے

نیاز بدایونی