نعت
ارتقا کا ،روشنی کا ،خواب کا، تعبیر کا
دینِ احمدؐ راستہ ہے سر بسر تعمیر کا
روشنی کی منزلیں پنہاں علومِ نو میں ہیں
ہے حصول ِعلم و دانش راستہ تنویر کا
آئیے اب چاند تاروں پر کمندیں ڈال دیں
آیۂ قرآں میں ہم کو حکم ہے تسخیر کا
عظمت ِانساں بھی معراج کی بے مثل ِشب
اور کمالِ ارتقا سائنس کی تدبیر کا
سب کتابوں سے بشارت جن کے آنے کی ملی
نامِ احمدؐ ہے ہمارے صاحب ِتطہیر کا
آپؐ کے کردار کا سکہّ جما ہے ہر طرف
دو جہاں میں غلغلہ ہے خلق کی تاثیر کا
بھیجتا ہے خالقِ اکبر محمدؐ پر درود
ہے علَم اونچا مرے سرکار کی توقیر کا
ابرار کرتپوری
No comments:
Post a Comment