حیدر نایاب

یوم پیدائش 15 جولائی 1930

سرِ محفل اگر روشن کسی کا نام ہوتا ہے

عنایت کا اسی کے پاس ہردم جام ہوتا ہے

خودی دیوار بن جاتی ہے راہِ حق شناسی میں

خدا کی جستجو تو بے خودی کا کام ہوتا ہے

وفورِ فطرتِ تخلیق سے بنتی ہیں تصویریں

مزاجِ حسن جب منتِ کشِ پیغام ہوتا ہے

سراشکِ غم بکھر جاتے ہیں آغوشِ تخیل میں

جنھیں چن چن کے شاعر فاتحِ آلام ہوتا ہے

سوائے رازِ مطلق کے نہیں ہے کوئی استثنیٰ

دو عالم میں تو ہر آغاز کا انجام ہوتا ہے

ہماری حس ہی ہوتی ہے بنا خود درد کے نایابؔ

مٹا دو تم جو اس کو تو شروع آرام ہوتا ہے

حیدر نایاب