مجھے آنکھوں نے جل تھل کردیا ہے
مری مٹی کو دلدل کردیا ہے
مرے خوابوں کو آنکھوں میں سجاکر
کسی لڑکی نے کاجل کردیا ہے
میں اپنی ذات میں اک گلستاں تھا
تری فرقت نے جنگل کردیا ہے
کئی دریائوں نے آپس میں مل کر
سمندر کو مکمل کردیا ہے
مری بچی کی ننھی سے ہنسی نے
مرے آنسو کو صندل کردیا ہے
وہ جب گمنام تھا اچھا بھلا تھا
اُسے شہرت نے پاگل کردیا ہے
فرائض کے تقاضوں نے ہی شاہد
مرے چھالوں کو مخمل کردیا ہے
شاہد نور
No comments:
Post a Comment