گلنار آفرین

یوم پیدائش 15 اگست 1942

شام الم بھی گزری پہلو بدل بدل کر 

روتا رہا ہے یہ دل پہروں مچل مچل کر 

منزل کی جستجو میں پہنچے کہاں کہاں ہم 

دیکھا کیے تماشہ رستے بدل بدل کر 

شہر وفا میں ہم نے سب کچھ لٹا دیا ہے 

یہ بات ان سے کہنا لوگو سنبھل سنبھل کر 

کیا ضد کریں گے تجھ سے اے گردش زمانہ 

ہنسنا بھی آ گیا ہے غم سے بہل بہل کر 

گلنارؔ ضبط غم کی یہ انتہا بھی دیکھی 

دامن بھگو رہے ہیں آنسو نکل نکل کر 

گلنار آفرین