سبھاش گپتا شفیق

یوم پیدائش 12 نومبر 1956

کبھی وہ میری وفاؤں کو پروقار کرے

یہ اک دعا ہے جو دن رات خاکسار کرے

وہ میرے سامنے خنجر لیے کھڑا کیوں ہے

جو مارنا ہی ہے مجھ کو تو مجھ پہ وار کرے

وہ بے خبر ہے کہ اس کے لیے کوئی کتنے

پہاڑ سر کرے اور کتنے دریا پار کرے

نہیں ہے کوئی یہاں اس کو پوچھنے والا

وہ جس کو چاہے جہاں چاہے سنگ سار کرے

ہمارے عہد کا ہے ایک المیہ یہ بھی

وہی ہے لوٹنے والا جو ہوشیار کرے

اب آدمی کو فقط آدمی سے ڈر ہے شفیق

کہ آدمی کا یہاں آدمی شکار کرے

سبھاش گپتا شفیق