فریحہ عکسٓ

یوم پیدائش 04 دسمبر 

مقدر کھو گیا میرا ، کسی ڈوبے ستارے میں 

مرا تو چاند رہتا تھا ، وہاں بہتے شرارے میں 

وہ کشتی ، چاند، اور پانی کے اک منظر میں ہم تم تھے 

واں پھر ہاتھوں کو تھامے ہم رکے تھے اس کنارے میں 

کنارے دو طرح کے تھے ، جہاں دریا وہ بہتا تھا 

کہ ہم تم کھو گئے جاناں ، انہیں کے تیز دھارے میں

ترے حاکم جفا کش ہیں ، اے میری ماں ، مری مٹی 

وگرنہ کیا کمی تھی حسن میں ، تیرے نظارے میں 

میں گھٹ گھٹ رو کے تھک ہاری ، تری جانب پلٹتی ہوں

خدایا، شکر ہے تیرا ، میں اب تک تھی ، خسارے میں 

وہ عاقِ دل ہوا جس دن ، ملا پھر آج رستے میں 

بڑی انجان تھیں نظریں ، کہا کچھ نا اشارے میں 

مجھے معلوم تھا دے گی جفا مجھ کو بڑھاپے میں 

اے رب اولاد دھوکہ ہے ، میں ہوں تیرے سہارے میں

جو مدت بعد رستے میں اچانک مل گئے ہو اب

مرے تم حال کو چھوڑو کہو کچھ اپنے بارے میں

فریحہ عکسٓ