کوچہء زیست میں ہر شخص پریشاں نکلا
پیکرِ رنج و اسیرِ غمِ دوراں نکلا
سخت دشوار جو کام اہلِ خرد کے لئے تھا
کام وہ اہلِ جنوں کے لئے آساں نکلا
نئی تہذیب کی دیکھی یہ عجب عریانی
خوش لباسی میں بدن حسن کا عریاں نکلا
سخت حیرت ہوئی قاتل کو مرے قتل کے بعد
ایک قطرہ بھی کہاں خونِ رگِ جاں نکلا
وہ اکیلا ہی نکلتا تو کوئی بات نہ تھی
ساتھ آدم کو لئے خلد سے شیطاں نکلا
جس کو پھولوں کی رفاقت تھی میسر معراج
صحنِ گلشن سے ہوئی چاک بداماں نکلا
احمد معراج
No comments:
Post a Comment