Urdu Deccan

Sunday, January 15, 2023

بدیع الزماں خاور

یوم پیدائش 10 جنوری 1938

آگ ہی کاش لگ گئی ہوتی 
دو گھڑی کو تو روشنی ہوتی 

لوگ ملتے نہ جو نقابوں میں 
کوئی صورت نہ اجنبی ہوتی 

پوچھتے جس سے اپنا نام ایسی 
شہر میں ایک تو گلی ہوتی 

بات کوئی کہاں خوشی کی تھی 
دل کو کس بات کی خوشی ہوتی 

موت جب تیرے اختیار میں ہے 
میرے قابو میں زندگی ہوتی 

مہک اٹھتا نگر نگر خاورؔ 
دل کی خوشبو اگر اڑی ہوتی

بدیع الزماں خاور



No comments:

Post a Comment

محمد دین تاثر

 یوم پیدائش 28 فروری 1902 غیر کے خط میں مجھے ان کے پیام آتے ہیں کوئی مانے کہ نہ مانے مرے نام آتے ہیں عافیت کوش مسافر جنھیں منزل سمجھیں عشق...