قلیل ہوتی ہے ہر ایک شئے مزید کے بعد
مہینہ خالی کا ہوتا ہے ،ماہ عید کے بعد
اک آرزو ہوئی پوری کہ دوسری جاگی
نگاہ شوق بھڑکتی ہے اور دید کے بعد
ہرایک بستی میں ہے سینکڑوں کا نام حسین
یزید نام نہ رکھا گیا یزید کے بعد
خدا ہی جانے یہ ہے مصلحت کہ مجبوری
ہم آئے یاد انھیں مدت مدید کے بعد
صبا کے پیچھے ہی گلشن سے بوئے گل بھی گئی
قرار مل نہ سکا پیر کو مرید کے بعد
ہلال عید تو پیغام شادمانی ہے
ہماری عید تو ہوگی تمہاری دید کے بعد
لطیف شاھد
No comments:
Post a Comment