نکل جائے یوں ہی فرقت میں دم کیا
نہ ہوگا آپ کا مجھ پر کرم کیا
ہنسے بھی روئے بھی لیکن نہ سمجھے
خوشی کیا چیز ہے دنیا میں غم کیا
مبارک ظالموں کو ظلم ہم پر
جو اپنا ہی کیا ہے اس کا غم کیا
مٹا جب امتیاز کفر و ایماں
مکان کعبہ کیا بیت الصنم کیا
نہیں جب قوت احساس دل میں
غم دنیا سرور جام جم کیا
گزر ہی جائیں گے غربت کے دن بھی
کریں دو دن کو اب اخلاق کم کیا
مری بگڑی ہوئی تقدیر بھی ہے
تمہارے طرۂ گیسو کا خم کیا
مری تقدیر میں لکھا ہے تو نے
بتا اے مالک لوح و قلم کیا
بھلا دے گی ہمیں دو دن میں دنیا
ہماری شاعری کیا اور ہم کیا
ہر اک مشکل کو حل کرتی ہے جب موت
کروں آگے کسی کے سر کو خم کیا
رواںؔ کے درد کا عالم نہ پوچھو
کوئی یوں ہوگا مست جام جم کیا
جگت موہن لال رواں
دل کو ویرانہ کہو گے ، مجھے معلوم نہ تھا
پھر بھی دل ہی میں رہو گے ، مجھے معلوم نہ تھا
ساتھ دنیا کا میں چھوڑوں گا تمہاری خاطر
اور تم ساتھ نہ ہو گے ،مجھے معلوم نہ تھا
چپ جو ہوں کوئی بری بات ہے میرے دل میں
تم بھی یہ بات کہو گے ، مجھے معلوم نہ تھا
لوگ روتے ہیں میری بد نظری کا رونا
تم بھی اس رو میں بہو گے ، مجھے معلوم نہ تھا
تم تو بے صبر تھے آغاز محبت میں حفیظ
اس قدر جبر سہو گے ، مجھے معلوم نہ تھا
حفیظ جالندھری
چاند آج کی رات نہیں نکلا
وہ اپنے لحافوں کے اندر چہرے کو چھپائے بیٹھا ہے
وہ آج کی رات نہ نکلے گا
یہ رات بلا کی کالی رات
تارے اسے جا کے بلائیں گے
صحرا اسے آوازیں دے گا
بحر اور پہاڑ پکاریں گے
لیکن اس نیند کے ماتے پر کچھ ایسا نیند کا جادو ہے
وہ آج کی رات نہ نکلے گا
یہ رات بلا کی کالی رات
مغرب کی ہوائیں چیخیں گی بحر اپنا راگ الاپے گا
سائیں سائیں
تاریکی میں چپکے چپکے سنسان بھیانک ریتے پر
بڑھتا بڑھتا ہی جائے گا
موجوں کی مسلسل یورش میں
وہ گیت برابر گاتے ہوئے
جو کوئی نہیں اب تک سمجھا
سبزے میں ہوئی کچھ جنبش سی
وہ کانپا
آہیں بھرنے لگا
چاند آج کی رات نہیں نکلا
بھیڑیں سر نیچے ڈالے ہوئے
چپ چاپ آنکھوں کو بند کئے
میداں کی اداس خموشی میں فطرت کی کھلی چھت کے نیچے
کیوں سہمی سہمی پھرتی ہیں
اور باہم سمٹی جاتی ہیں
چاند آج کی رات نہیں نکلا
چاند آج کی رات نہ نکلے گا
تصدق حسین خالد
#urdupoetry #urdudeccan #اردودکن #اردو #شعراء #birthday #پیدائش #شاعری #اردوشاعری #اردوغزل #urdugazal #urdu #poetrylover #poetry #rekhta #شاعر #غزل #gazal
مجھے کیف ہجر عزیز ہے تو زر وصال سمیٹ لے
میں جو تیرا کوئی گلہ کروں مری کیا مجال سمیٹ لے
مرے حرف و صوت بھی چھین لے مرے صبر و ضبط کے ساتھ تو
مرا کوئی مال برا نہیں میرا سارا مال سمیٹ لے
یہ تمام دن کی مسافتیں یہ تمام رات کی آفتیں
مجھے ان دنوں سے نجات دے مرا یہ وبال سمیٹ لے
سبھی ریزہ ریزہ عنایتیں اسی ایک کی ہیں روایتیں
وہ جو لمحہ لمحہ بکھیر دے وہ جو سال سال سمیٹ لے
ترے انتظار میں اس طرح مرا عہد شوق گزر گیا
سر شام جیسے بساط دل کوئی خستہ حال سمیٹ لے
ترے رخ پہ چاند بھی درد ہے ترا اس میں کون سا حرج ہے
تو اگر یہ حاشیہ چھوڑ دے تو اگر یہ بال سمیٹ لے
یہ ہمارا شوق تھا ہم نے اپنے گلوں میں پرندے سجا لیے
اسے اختیار ہے رامؔ جب بھی وہ چاہے جال سمیٹ لے
رام ریاض
#urdupoetry #urdudeccan #اردودکن #اردو #شعراء #birthday #پیدائش #شاعری #اردوشاعری #اردوغزل #urdugazal #urdu #poetrylover #poetry #rekhta #شاعر #غزل #gazal #ریاض #ramriyaz
جتنی ہم چاہتے تھے اتنی محبت نہیں دی
خواب تو دے دیے اس نے ہمیں مہلت نہیں دی
بکتا رہتا سر بازار کئی قسطوں میں
شکر ہے میرے خدا نے مجھے شہرت نہیں دی
اس کی خاموشی مری راہ میں آ بیٹھی ہے
میں چلا جاتا مگر اس نے اجازت نہیں دی
ہم ترے ساتھ ترے جیسا رویہ رکھتے
دینے والے نے مگر ایسی طبیعت نہیں دی
مجھ سے جو تنگ ہوا میں نے اسے چھوڑ دیا
اس کو خود چھوڑ کے جانے کی بھی زحمت نہیں دی
ہم تھے محتاط تعلق میں توازن رکھا
پاس الفت رہا حد درجہ عقیدت نہیں دی
جس قدر ٹوٹ کے چاہا اسے ہم نے اشفاقؔ
اس سخی نے ہمیں اتنی بھی تو نفرت نہیں دی
احمد اشفاق
یوم پیدائش 13 جنوری 1887
گیت
خوف آفت سے کہاں دل میں ریا آئے گی
بات سچی ہے جو وہ لب پہ سدا آئے گی
دل سے نکلے گی نہ مر کر بھی وطن کی الفت
میری مٹی سے بھی خوشبوئے وفا آئے گی
میں اٹھا لوں گا بڑے شوق سے اس کو سر پر
خدمت قوم و وطن میں جو بلا آئے گی
سامنا صبر و شجاعت سے کروں گا میں بھی
کھنچ کے مجھ تک جو کبھی تیغ جفا آئے گی
غیر زعم اور خودی سے جو کرے گا حملہ
میری امداد کو خود ذات خدا آئے گی
آتما ہوں میں بدل ڈالوں گا فوراً چولا
کیا بگاڑے گی اگر میری قضا آئے گی
خون روئے گی سما پر میرے مرنے پہ شفق
غم منانے کے لیے کالی گھٹا آئے گی
ابر تر اشک بہائے گا مرے لاشے پر
خاک اڑانے کے لیے باد صبا آئے گی
زندگانی میں تو ملنے سے جھجکتی ہے فلکؔ
خلق کو یاد مری بعد فنا آئے گی
لال چند فلک
#urdupoetry #urdudeccan #اردودکن #اردو #شعراء #birthday #پیدائش #شاعری #اردوشاعری #اردوغزل #urdugazal #urdu #poetrylover #p
یوم پیدائش کی مبارک باد
12جنوری 1965
گردشِ وقت نے دکھلائے وہ منظر ہم کو
دیدہء تر تو کسی بات پہ حیراں بھی نہیں
جاوید عثمان زِندانی
#urdupoetry #urdudeccan #اردودکن #اردو #شعراء #birthday #پیدائش #شاعری #اردوشاعری #اردوغزل #urdugazal #urdu #poetrylover #poetry #rekhta #شاعر #غزل
سنا ہے لوگ اسے آنکھ بھر کے دیکھتے ہیں
سو اس کے شہر میں کچھ دن ٹھہر کے دیکھتے ہیں
سنا ہے ربط ہے اس کو خراب حالوں سے
سو اپنے آپ کو برباد کر کے دیکھتے ہیں
سنا ہے درد کی گاہک ہے چشم ناز اس کی
سو ہم بھی اس کی گلی سے گزر کے دیکھتے ہیں
سنا ہے اس کو بھی ہے شعر و شاعری سے شغف
سو ہم بھی معجزے اپنے ہنر کے دیکھتے ہیں
سنا ہے بولے تو باتوں سے پھول جھڑتے ہیں
یہ بات ہے تو چلو بات کر کے دیکھتے ہیں
سنا ہے رات اسے چاند تکتا رہتا ہے
ستارے بام فلک سے اتر کے دیکھتے ہیں
سنا ہے دن کو اسے تتلیاں ستاتی ہیں
سنا ہے رات کو جگنو ٹھہر کے دیکھتے ہیں
سنا ہے حشر ہیں اس کی غزال سی آنکھیں
سنا ہے اس کو ہرن دشت بھر کے دیکھتے ہیں
سنا ہے رات سے بڑھ کر ہیں کاکلیں اس کی
سنا ہے شام کو سائے گزر کے دیکھتے ہیں
سنا ہے اس کی سیہ چشمگی قیامت ہے
سو اس کو سرمہ فروش آہ بھر کے دیکھتے ہیں
سنا ہے اس کے لبوں سے گلاب جلتے ہیں
سو ہم بہار پہ الزام دھر کے دیکھتے ہیں
سنا ہے آئنہ تمثال ہے جبیں اس کی
جو سادہ دل ہیں اسے بن سنور کے دیکھتے ہیں
سنا ہے جب سے حمائل ہیں اس کی گردن میں
مزاج اور ہی لعل و گہر کے دیکھتے ہیں
سنا ہے چشم تصور سے دشت امکاں میں
پلنگ زاویے اس کی کمر کے دیکھتے ہیں
سنا ہے اس کے بدن کی تراش ایسی ہے
کہ پھول اپنی قبائیں کتر کے دیکھتے ہیں
وہ سرو قد ہے مگر بے گل مراد نہیں
کہ اس شجر پہ شگوفے ثمر کے دیکھتے ہیں
بس اک نگاہ سے لٹتا ہے قافلہ دل کا
سو رہروان تمنا بھی ڈر کے دیکھتے ہیں
سنا ہے اس کے شبستاں سے متصل ہے بہشت
مکیں ادھر کے بھی جلوے ادھر کے دیکھتے ہیں
رکے تو گردشیں اس کا طواف کرتی ہیں
چلے تو اس کو زمانے ٹھہر کے دیکھتے ہیں
کسے نصیب کہ بے پیرہن اسے دیکھے
کبھی کبھی در و دیوار گھر کے دیکھتے ہیں
کہانیاں ہی سہی سب مبالغے ہی سہی
اگر وہ خواب ہے تعبیر کر کے دیکھتے ہیں
اب اس کے شہر میں ٹھہریں کہ کوچ کر جائیں
فرازؔ آؤ ستارے سفر کے دیکھتے ہیں
احمد فراز
یوم پیدائش 28 فروری 1902 غیر کے خط میں مجھے ان کے پیام آتے ہیں کوئی مانے کہ نہ مانے مرے نام آتے ہیں عافیت کوش مسافر جنھیں منزل سمجھیں عشق...
