ادریس اکبر

 یوم پیدائش 13 مارچ 1998

زلف چہرے سے ہٹاؤ تو کوئی بات بنے

جام نظروں سے پلاؤ تو کوئی بات بنے

غم ہیں اتنے کہ دو بوندوں سے مرا کیا ہو گا 

سارا میخانہ پلاؤ تو کوئی بات بنے 

یاد میخانے کے آداب سبھی ہیں مجھ کو

سارے رندو کو بلاؤ تو کوئی بات بنے

ہے اگر حسن ملا تو یہ ضروری ہے صنم 

اپنا دامن بھی بچاؤ ، تو کوئی بات بنے

تم مرے غم پہ اٹھاؤ نہ یوں انگلی ایسے

دل اگر تم بھی لگاؤ تو کوئی بات بنے

پہلے سیکھو کے وفا یار کسے کہتے ہیں

پھر زباں ہم سے لڑاؤ تو کوئی بات بنے

مجھ کو معلوم ہے دنیا کی حقیقت اکبر

کچھ نیا مجھ کو بتاؤ تو کوئی بات بنے

ادریس اکبر