امین چغتائی

 یوم پیدائش 28 جولائی 1943

جمال دلنشیں ترا ، مرا یہ مقتضائے دل

نہ دل کی آرزو ہو کیوں کہ ہو ترا نقاب گم

وہ جلوتیں بکھیر دے بساط گلستان میں

کلی کی گم رہے نفس ، ہو رنگ ہر گلاب گم

کہاں کہاں لہو گرا ، ہے ٹھوکروں کا کیا حساب

تمہارے دشت عشق میں ، ہوئے ہیں بے حساب گم

بروئے عاشقان زار ، کبھی تو رونما بھی ہو

ہو شب سے ماہ کو فرار ، سحر سے آفتاب گم

طلب ، امید ، آرزو کریں بھی زندگی سے کیا 

بچا تھا جو وہ غتربود ، جو تھا بھی دستیاب گم

امین دلفگار سے سوال اب یہ کیا کریں 

چرا کے مستیاں تری ، کہاں ہوا شباب گم

امین چغتائی