خودخدا محبت ہے
گھر کے سُونے آنگن میں
رونقیں محبت سے
دِل کی ویراں بستی میں
راحتیں محبت سے
بزمِ کیف و مستی کی
شدتیں محبت سے
تیرے میرے جذبوں کی
حِدتیں محبت سے
مامتا کے ہونٹوں پر
اِک دعا محبت ہے
باپ کے بڑھاپے کا
آسرا محبت ہے
ظلمتوں کی بستی میں
اِک دِیا محبت ہے
زہر کے پیالے کا
فلسفہ محبت ہے
سُولیوں پہ چڑھنے کا
سِلسلہ محبت ہے
سجدہ گاہِ مقتل کی
ہر دُعا محبت ہے
رزمِ حق و باطل میں
کربلاؔ محبت ہے
مُنکرِ محبت سُن!
خود خُدا محبت ہے
ساحل منیر
No comments:
Post a Comment