طاہر

 زندگی نے جب آکر ، کچھ سوال رکھے تھے

ہم نے اپنے لفظوں پر فتوے ڈال رکھے تھے

رابطے محبت میں ، وصل کے تناسب سے

اُس نے میرے حصے میں ، خال خال رکھے تھے

اس سفر کی راہوں میں ، سسکیاں ہیں آہیں ہیں

ہم نے اُن کے آگے یہ ، سب ملال رکھے تھے

ضابطے بھی کیسے اُس ، لازوال بندھن نے

باکمال رکھے تھے ، بے مثال رکھے تھے

ڈس رہے ہیں گر ہم کو ، اِس میں کیا تعجب ہے

ہم نے آستینوں میں ، سانپ پال رکھے تھے

چاہتوں کے سب تحفے ، ہم نے ساتھ میں طاھر

خوش جمال رکھے تھے ،خوش خیال رکھے تھے

طاھر