یکم مئی زندہ باد(نظم)
اب ظلم مٹے گا جہاں دستور چلیں گے
حق مانگنے اپنا سبھی مزدور اٹھیں گے
حق مارا ہے جس جس نے بھی مزدور کا سن لے
پیتا ہے لہو جو جو بھی مجبور کا سن لے
اب راج تو یہ ظلم کے مٹ کر ہی رہیں گے
حق مانگنے اپنا سبھی مزدور اٹھیں گے
اب چال تمہاری نہ کوئی کام کرے گی
اب حق کے لیے ساری ہی یہ قوم لڑے گی
اب جبر تمہارا نہ کبھی اور سہیں گے
حق مانگنے اپنا سبھی مزدور آٹھیں گے
ظالم کا اجارہ نہ کسی چیز پہ ہو گا
حق سب کا برابر جہاں جاگیر میں ہو گا
ایسا نہ ہوا تو بڑے فتور پڑیں گے
حق مانگنے اپنا سبھی مزدور اٹھیں گے
سمسون مخزن
No comments:
Post a Comment