نہال رضوی

 یوم پیدائش 01 جولائی 1957

مت کرئے چھیڑ چھاڑ چمن کے اصول سے

کانٹے الگ نہ کیجئے گلشن میں پھول سے

کسدرجہ تلملائی ہیں خوشیاں نہ پوچھئے

دل پر مرے صحیفہء غم کے نزول سے

حالت کسی بھی دور میں ایسی نہ تھی کبھی

 خطرہ ہے آج علم کو جتنا جہول سے

 

کھو جائیں آسمان تو حیرت نہ کیجئے

افلاک پٹ گئے ہیں کچھ اسدرجہ دھول سے

جاکر وہاں حیات کا مقصد نہ ڈھونڈھئے

اکثر ہمارے فعل جہاں ہوں فضول سے

چہرے اتر گئے ہیں ہماری خوشی سے کیوں

کیوں دوست لگ رہے ہیں ہمارے ملول سے

شکوہ کسی سے اور مناسب نہیں نہال 

ہم دربدر ہوئے ہیں خود اپنی ہی بھول سے

نہال رضوی