ایسا نہیں کہ زیست سے اکتا گئے ہیں ہم
ہجرِ فراقِ یار سے گھبرا گئے ہیں ہم
اپنے مذاقِ رنگ پہ اترا گئے ہیں ہم
اپنا نصاب زیست میں اپنا گئے ہیں ہم
بزمِ حصارِ ذات میں آئے پلٹ کے پھر
بزمِ حصارِ یار سے تنہا گئے ہیں ہم
آب و ہوا خیال کی آئی ہے راس کیا؟
فصلِ زمینِ شعر پہ اترا گئے ہیں ہم
ہم مثلِ آئینہ ہیں جہانِ خراب میں !
تاریکئی حیات سے دھندلا گئے ہیں ہم
انسانیت کے قرض اتارے نہیں ابھی
عادل وقار ِ زیست سے شرما گئے ہیں ہم
عادل اشرف
No comments:
Post a Comment