آلوک یادو

 یوم پیدائش 30 جولائی 1960

فیصلہ ممکن ہے یوں منصف اگر عادل نہ ہو

قتل تو ہوتے رہیں ثابت کوئی قاتل نہ ہو

مشکلیں آساں نہ ہوں میری تو مجھ کو غم نہیں

پر جو ہے آساں کم از کم وہ تو اب مشکل نہ ہو

دفن ہیں دفتر کی فائل میں ہزاروں مسئلے

ایسا لگتا ہے کہ جیسے قبر ہو فائل نہ ہو

ختم ہونے کو سفر ہے ساتھ چھوٹا جائے ہے

چاہتا ہے دل مرا منزل ابھی حاصل نہ ہو

عشق ہے ایسا سفر جس کی کوئی منزل نہیں

یعنی اک کشتی کہ جس کے واسطے ساحل نہ ہو

آلوک یادو