یوم پیدائش 29 جولائی 1952
دعائیں مانگ رہے ہیں سبھی سحر کے لئے
بہت ضروری ہے سورج نیا بشر کے لئے
زمین بانجھ نہ ہو جائے شدتِ غم سے
ابھی سے فکر کرو اس کے بال و پر کے لئے
خلوصِ دل سے ملو وہ سنوار دے گا تمہیں
نہیں ہے کام یہ مشکل ستارہ گر کے لئے
بہا لے اشکِ ندامت وہ بخش دے گا تجھے
کھلا ہوا ہے ابھی در گناہ گر کے لئے
اندھیرے کاٹ کے پھر آسماں کرو روشن
کہ روشنی بھی ضروری ہے ہر نگر کے لئے
یہ مہر و ماہ سبھی کھو چکے چمک اپنی
نئے چراغ ضروری ہیں اب سفر کے لئے
عامر قدوائی
No comments:
Post a Comment