جوہر صدیقی

 یوم پیدائش 28 اگست 1928

کتنا شرمندہِ مذاقِ درد انسانی ہے آج

قاتلوں کو بھی غرورِ پاک دامانی ہے آج

اُف رے ماضی تیری چیخوں کی صدائے بازگشت

سازِ ہستی کی صدا کس درجہ طوفانی ہے آج

چہرہ اُترا زلف الجھی اور افسردہ نظر

دوستوں کو پھر بھی ارمان ِغزل خوانی ہے آج

کاش مٹنے والے بھی آکر یہ منظر دیکھتے

کتنا سنجیدہ مزاجِ فتنہ سامانی ہے آج

آشیاں لٹنے پہ کل تک پھول ہنستے تھے جہاں

رقص فرما ، دیکھ اُسی گلشن میں ویرانی ہے آج

آپ کے سمٹے ہوئے دامن کو اس کی کیا خبر 

اس قدر رسوا خلوصِ اشک افشانی ہے آج

جتنا روشن ہے شرابی کی نگاہوں کا چراغ

اتنی ہی تاریک تر زاہد کی پیشانی ہے آج

ایک لغزش جس کو جوہر عین مستی کہہ سکوں کو

بزم میں یوں تو بہکنے کی فراوانی ہے آج

جوہر صدیقی