یوم پیدائش 26 اکتوبر 1926
کاروبارِ جنوں کی گیرائی
صرف تحسین، صرف رسوائی
ایک چھوٹی سی بات انساں کو
آسماں سے کہاں اٹھا لائی
دل کے ایسے معاملے ہیں جہاں
کام کرتی نہیں ہے دانائی
رات اُن کا خیال آتے ہی
چاندنی سیج پر اتر آئی
حسن اک کیفیت کو کہتے ہیں
جس سے جب تک نبھائے بینائی
دیکھتے دیکھتے کمال ہوا
آنکھوں آنکھوں میں بات طے پائی
گاہے گاہے رگوں میں چٹکی سی
جان پر آدمی کے بن آئی
سب سے دلچسپ و دلنشیں موضوع
آدمی اور کنج تنہائی
آنسوؤں کی لکیر سے نوشاد
زخم کی ناپتے ہیں گہرائی
نوشاد نوری
No comments:
Post a Comment