فیاض علی فیاض

 یوم پیدائش 10 نومبر 1952

گر پیار سے روکا تو ٹھہر جائے گی خوشبو

ورنہ تیرے کوچے سے گزر جائے گی خوشبو

اس واسطے پھرتی ہے تعاقب میں تمہارے

چھولے گی جو تم کو تو نکھر جائے گی خوشبو

ظالم تجھے اس بات کا احساس نہیں ہے

پھولوں کو جو مسلے گا تو مر جائے گی خوشبو

پھولوں کا لہو جب کبھی صحرا میں بہے گا

تپتے ہوئے صحرا میں بکھر جائے گی خوشبو

قاصد تو بنا لیتا میں خوشبو کو بھی لیکن

جا کر در جاناں پہ ٹھہر جائے گی خوشبو

مل جائے اگر اس کو کوئی نور کا پیکر کر

پل بھر میں خلاؤں سے گزر جائے گی خوشبو

چاہت کی تمنا میں ہے وہ کب سے سفر میں

لگتا ہے کہ تھک ہار کے گھر جائے گی خوشبو

رہتا ہوں اسی فکر میں فیاض پریشان

بچھڑوں گا جب اس سے تو کدھر جائے گے خوشبو

فیاض علی فیاض