ضیاء المصطفیٰ ترک

 یوم پیدائش 29 اگست 1976

آئنہ اس کو اور خیال مجھے

عیب جیسا ہے یہ کمال مجھے

نام لے کر پکارتے ہیں رنگ 

روک لیتی ہے ڈال ڈال مجھے 

یاد ہو کوئی دن بھلا کیسے 

بھول جاتے ہیں ماہ و سال مجھے

جانے پھر کس طرف نکل جاؤں

ارے آزردگی! سنبھال مجھے 

یہی میں ہوں اگر بفرض ِ محال

خوش نہیں آئے خدّو خال مجھے

دیکھ تو کتنا تنگ ہے مجھ کو 

اس بدن سے کہیں نکال مجھے 

اوڑھ رکھا ہے مجھ کو گدڑی نے

ہے بچھائے ہوئے پیال مجھے 

کہیں بارش میں رکھ گھڑی بھر کو

دھوپ میں تھوڑی دیر ڈال مجھے

ماند پڑنے لگی ہے میری چمک 

اپنے ہاتھوں میں رکھ ، اُجال مجھ

ضیاء المصطفیٰ ترک