عاصم قریشی

 یوم پیدائش 02 دسمبر

نعت

ذکرِ احمدؐ پہ بات ہو جائے

تا کہ راضی وہ ذات ہو جائے

اب نہیں توبہ کی سکت مجھ میں

اب تو میری نجات ہو جائے

پہنچ جاؤں گا میں مدینے میں

میری قسمت جو ساتھ ہو جائے

جب وہؐ وللیل زلف لہرائیں

دن ڈھلے اور رات ہو جائے

اُس پسینےؐ میں بات ایسی ہے

سارے پھولوں کو مات ہو جائے

آپؐ ہم پر جو اک نظر کر دیں

ہم سے اندھوں سے نعت ہو جائے

نام انؐ کا ہو میرے ہونٹوں پر

پھر جو ہو میرے ساتھ ہو جائے

  عاصم قریشی