ذیشان متھراوی

 یوم پیدائش 11 جنوری 1980

شرمندگیِ ترکِ وفا ہے کہ نہیں ہے

یاد اس کو محبت کا صلہ ہے کہ نہیں ہے

اس شوخ کی آنکھوں میں ذرا جھانک کے کہیے

ان آنکھوں میں تجدید نشہ ہے کہ نہیں ہے

کیوں شہر تہہ آب ہوا غور تو کیجے

اس میں کہیں زلفوں کی خطا ہے کہ نہیں ہے

تو دور ہوا مجھ سے ، بہت خوب ہے دعوی

دل تیرا مگر دور ہوا ہے کہ نہیں ہے

بن بیٹھا پرستار بتِ سنگ کا ناداں

یہ دیکھ مگر ، وہ بھی خدا ہے کہ نہیں ہے

ذیشان متھراوی