نسیم احمد نسیم

 یوم پیدائش 04 فروری 1964

مری اوقات وہ اس طرح بتا دیتا ہے

خاک لے کر کے ہواؤں میں اڑا دیتا ہے

میں بہت دور چلا جاتا ہوں جب بھی خود سے

"میرے اندر سے کوئی مجھ کو صدا دیتا ہے"

لاکھ کرتا رہا میں اس کو بھلانے کی سعی

یاد رہ رہ کے کوئی اس کی دلا دیتا ہے

جب بھی چاہا کہ اسے بڑھ کے میں فوراً چھو لوں

کچی نیندوں سے کوئی مجھ کو جگا دیتا ہے

اس سے وابستہ ہیں کچھ ایسی پرانی یادیں

جب بھی آتا ہے مری نیند اڑا دیتا ہے

نسیم احمد نسیم