شبنم سید معین الدین

 یوم پیدائش 04 مارچ

1973

حضور دور نہ جاؤ، بڑا اندھیرا ہے

میں گر گئی تو اٹھاؤ، بڑا اندھیرا ہے

میں اپنے حسن کی تنویر کو بڑھاؤں گی

چراغ دل کے جلاؤ ، بڑا اندھیرا ہے

خبر ہے مجھ کو سویرا بھی ہونے والا ہے

ابھی نہ روٹھ کے جاؤ، بڑا اندھیرا ہے

یہ چاند دور سے کتنا حسین لگتا ہے

اسے قریب بھی لاؤ، بڑا اندھیرا ہے

کہ ٹوٹ جائے گی شبنم تمھارے جانے سے

ہنساؤ یا کہ رلاؤ، بڑا اندھیرا ہے

شبنم سید معین الدین