نجمہ محبوب نجمہ

 یوم پیدائش 01 مارچ

جب عشق کا جنون مرے سر میں آگیا

سارا زمانہ پھر میری ٹھوکر میں آگیا

اِس نے تو میری ایک نصیحت نہیں سُنی

نادان دل تھا پیار کے چکّر میں آگیا

پھر اس کے التفات کا موسم بدل گیا

نرمی کا رنگ دھوپ کے تیور میں آگیا

حدّ تکلفات سے گزرا وہ اس طرح

"دستک دیے بغیر مرے گھر میں آگیا"

دیکھا تھا میں نے اسکو نظر بھر کے اور پھر

طوفان میرے دل کے سمندر میں آگیا

میں جس کو چاہتی تھی وہ مجھ کو نہیں ملا 

جو نا پسند تھا وہ مقدر میں آگیا

نجمہ یہ آسرا بھی بہت ہے مرے لئے

جگنو سا ایک رات کے منظر میں آگیا

نجمہ محبوب نجمہ