یوم پیدائش 06 مارچ 1978
میں اپنے خواب خزینوں سے خوب واقف ہوں
تمہارے ساتھ کے لمحوں سے خوب واقف ہوں
کہاں پہ بھٹکے ہوئے دل کو روک لینا ہے
سرابِ عشق کے رستوں سے خوب واقف ہوں
جہاں پہ درج محبت کی داستانیں ہیں
غریب لوگوں کی آنکھوں سے خوب واقف ہوں
ہزار مجھ کو دھکیلو گے خودکشی کی طرف
میں زندگی کے طریقوں سے خوب واقف ہوں
خزاں کے وقت میں کرتا ہوں جو شجر کاری
کہ آنے والی بہاروں سے خوب واقف ہوں
اگر وہ ماریں بھی، چھاؤں میں ڈال آئیں گے
برے نہیں ہیں سب اپنوں سے خوب واقف ہوں
وصال بنتے ہیں نشتر، کہاں پہ پھاہے وہ
تمام لفظوں کے لہجوں سے خوب واقف ہوں
احمد وصال
No comments:
Post a Comment