گنیش بہاری طرز لکھنوی

یوم پیدائش 18مئی 1929

ماحول سازگار کرو میں نشے میں ہوں 

ذکر نگاہ یار کرو میں نشے میں ہوں 

اے گردشو تمہیں ذرا تاخیر ہو گئی 

اب میرا انتظار کرو میں نشے میں ہوں 

میں تم کو چاہتا ہوں تمہیں پر نگاہ ہے 

ایسے میں اعتبار کرو میں نشے میں ہوں 

ایسا نہ ہو کہ سخت کا ہو سخت تر جواب 

یارو سنبھل کے وار کرو میں نشے میں ہوں 

اب میں حدود ہوش و خرد سے گزر گیا 

ٹھکراؤ چاہے پیار کرو میں نشے میں ہوں 

خود طرزؔ جو حجاب میں ہو اس سے کیا حجاب 

مجھ سے نگاہیں چار کرو میں نشے میں ہوں

گنیش بہاری طرز لکھنوی