نعمت اللہ پیغمبر پوری

 یوم پیدائش 07 مئی 2002

دل کسی سے  لگانے سے کیا فائدہ 

زخم  پر زخم  کھانے سے کیا فائدہ

عشق مجھ سے نہیں تھا تمہیں جب صنم 

پھر یہ وعدہ نبھانے سے کیا فائدہ

گر  خوشی کوئی  پائی ہے تُونے  بتا 

من ہی من مسکرانے سے کیا فائدہ

مشکلیں درمیاں لاکھ آئیں  مگر 

راستہ چھوڑ جانے سے کیا فائدہ

جس سے حاصل ثمر ہو نہ سایہ کوئی 

پیڑ  ایسا  لگانے سے کیا فائدہ

 رب سے "نعمت" جو ہے مانگنا مانگ لے

غیر  کے  در پہ جانے سے کیا فائدہ

نعمت اللہ پیغمبر پوری