عمیر منظر

 یوم پیدائش 05 مئی 1974

کبھی اقرار ہونا تھا کبھی انکار ہونا تھا 

اسے کس کس طرح سے در پئے آزار ہونا تھا 

سنا یہ تھا بہت آسودہ ہیں ساحل کے باشندے 

مگر ٹوٹی ہوئی کشتی میں دریا پار ہونا تھا 

صدائے الاماں دیوار گریہ سے پلٹ آئی 

مقدر کوفہ و کابل کا جو مسمار ہونا تھا 

مقدر کے نوشتے میں جو لکھا ہے وہی ہوگا 

یہ مت سوچو کہ کس پر کس طرح سے وار ہونا تھا 

یہاں ہم نے کسی سے دل لگایا ہی نہیں منظرؔ 

کہ اس دنیا سے آخر ایک دن بے زار ہونا تھا 

عمیر منظر