یوم پیدائش 05 مئی 1972
ثواب کی دعاؤں نے گناہ کر دیا مجھے
بڑی ادا سے وقت نے تباہ کر دیا مجھے
منافقت کے شہر میں سزائیں حرف کو ملیں
قلم کی روشنائی نے سیاہ کر دیا مجھے
مرے لیے ہر اک نظر ملامتوں میں ڈھل گئی
نہ کچھ کیا تو حیرت نگاہ کر دیا مجھے
خوشی جو غم سے مل گئی تو پھول آگ ہو گئے
جنون بندگی نے خود نگاہ کر دیا مجھے
تمام عکس توڑ کے مرا سوال بانٹ کے
اک آئنے کے شہر کی سپاہ کر دیا مجھے
بڑا کرم حضور کا سنا گیا نہ حال بھی
سماعتوں میں دفن ایک آہ کر دیا مجھے
ثروت زہرا
No comments:
Post a Comment