مرثیہ بر وفات
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عباس علی خان بیخود
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چل بسا آج ایک صاحبِ دل
مردِ مومن، شریف ، زندہ دل
پیکرِ حسن خلق و مہر و وفا
باعثِ انبساط و راحتِ دل
بات اس کی تھی موتیوں کی لڑی
ذات اس کی تھی جوہرِ قابل
رونقِ بزمِ دوستاں تھا وہ
جانِ مجلس تھا زینتِ محفل
حق گو ایسا کہ عین محفل میں
ڈھا دیا کرتا نقشِ ہر باطل
وقتِ امداد دوستوں کے لیے
مستعد رہتا تھا بجان و دل
مضطرب تھا وہ دل کے دورے سے
آج اس کو سکوں ہوا حاصل
”مغفرت کی دعا کر اسمٰعیل“
کہہ کے یہ چل بسا وہ صاحبِ دل
ہم سبق ، ہم خیال و ہم پیشہ
ہمدم و ہم رکاب ہم منزل
اے خدا رحم ، روحِ بے خودؔ پر
بارشِ رحمت اپنی کر نازل
یاد بے خودؔ کی کرتی ہے بیتاب
تاب لانے کی سعی کر اے دل
رشکِ پرویز و افتخارِ جمیل
ہوگیا ہم کنارِ ربِ جلیل
محمد اسماعیل بدر
No comments:
Post a Comment