فوزیہ شیخ

یوم پیدائش 15 جولائی 1982

من کے پاپوں کو نہیں ڈھانپنے والے کپڑے 

لاکھ تو جسم پہ نایاب سجالے کپڑے 

آج بھی میں ہوں وہی کمرہ ہے تنہائی ہے 

آج بھی پھرتی ہوں پہنے ہوئے کالے کپڑے 

اتنے برسوں میں ترے لمس کی خوشبو نہ گئی 

 روئی الماری سے جب جب بھی نکالے کپڑے 

ہم نے احساسِ محبت کے گلابوں کی طرح 

تو نے بھیجے تھے جو تحفے میں سنبھالے کپڑے 

زندہ رہنے کے لیے اس سے ضروری کیا ہے 

گھر ہے اولاد ہے دو چار نوالے ، کپڑے  

ان کے رنگوں پہ چمک پر نہ تو جانا فوزی 

سارے اترن ہیں ۔نہیں کوئی نرالے کپڑے

  

فوزیہ شیخ