زندہ دلی کے واسطے ،اسباب ڈھونڈلیں
پھر انجمن میں آئیے احباب ڈھونڈلیں
کچھ یار جن کی ذات میں ہوتا ہے حُسن ربط
کچھ اپنی ذات میں ادب ، آداب ڈھونڈلیں
حساس دل بڑھاتا رہے گا متاع غم
یوں گھل ملیں کہ اپنی تب و تاب ڈھونڈلیں
کچھ ٹوٹے خواب آنکھ میں رہنا ہے عمر بھر
لازم نہیں کہ ٹوٹا ہر اک خواب ڈھونڈلیں
اجڑے ہوئے چمن میں کئی ہم نوا بھی ہیں
جو اپنی طرز لوگ میں کم یاب ڈھونڈلیں
یوں تو ہے خلوتوں کا ہی قائل ازل سے دل
جلوت ہے خال خال ، وہی باب ڈھونڈلیں
نعیم اکوٹوی
No comments:
Post a Comment